K5 upategia Aiako udalerrian dago, Zarauztik 9 km-ra, inguru zoragarri batean, Eztenagako Txorruako mendi-magalean, itsas mailatik 300 m-ko altueran. Ezkerraldera Getariako Arratoia ikusten da, eta eskuinaldera, berriz, Orioko arrantza-portuaren bokalea. Horrez gain, 15 hektarea mahasti ditu inguruan.

Alonso & Balaguer arkitektoek diseinatutako eraikinak lerro soilak, dotoreak eta funtzionalak ditu, paisaiarekin guztiz bat egin, eta ingurumena errespetatzen du.

Mikel Urmenetak sortu du K5 Argiñano zigilua eta Kukuxumusuk egin du garapena.